ИЮНЬ  2021

3 июнь 2021

«Йәш китапханасы мәктәбе» уҡыуҙары йомғаҡтары тураһында

БР мәҙәниәт Министрлығының РУМҮ һәм Өфө ҡалаһы ҡала округының күмәк китапханалар Үҙәкләштерелгән системаһы берлектә 2021 йылдың 20–21 майында квалификация үҫтереүсе өҫтәмә профессиональ программа буйынса «Йәш китапханасы мәктәбе» исемле уҡыуҙарын ойошторҙо. Сара дистанцион форматта Zoom платформаһында үтте.

Лекторҙар булып Өфө ҡалаһы ҠО МБУ ҮМКС ҡала Үҙәк китапханаһының етәксе хеҙмәткәрҙәре сығыш яһаны: китапхана һорауҙары буйынса директор урынбаҫары Корзик Ю.А., мәғлүмәт-библиографик бүлеге мөдире Левкова С.П., әҙәбиәтте комплектлау һәм тикшереү бүлеге мөдире Ливитис Н.Е., берҙәм китап фондын тотоноу бүлеге мөдире Махмутова Р.Т., күмәк эштәр секторы мөдире Колпикова О.А., редакцион-нәшриәт бүлеге секторы мөдире Жукова К.Н., әҙәбиәтте комплектлау һәм тикшереү бүлегенең төп китапханасыһы Данилова Г.М., хеҙмәтләндереү бүлегенең төп китапханасыһы Короткова Н.А., әҙәбиәтте комплектлау һәм тикшереү бүлегенең алдынғы китапханасыһы Салимова А.У., хеҙмәтләндереү бүлегенең 1-се категориялы китапханасы Фатхуллина И.А.

Уҡыуҙар барышында китапханалар эшен көйләүсе норматив документтар, китапхана фондының һаҡланғанлығы тәьмин итеүсе һорауҙар, мәғлүмәт-информация ресурстары һәм электрон китапхана ресурстары эшмәкәрлеге, китап һәм виртуаль күргәҙмәләр ойоштороу, китапханала күләми саралар, шулай уҡ онлайн, ойоштороу, Интернет селтәрендә китапхана имиджын үҫтереү кеүек мәсьәләләр ҡаралды.

Уҡыуҙар Башҡортостан Республикаһы мәҙәниәт Министрлығының һәм БР мәҙәниәт Министрлығының белем биреү буйынса РУМҮ саралар планына ярашлы үтте. Сарала Башҡортостан Республикаһының 12 муниципаль районынан һәм 3 ҡала округынан 35 китапхана хеҙмәткәре ҡатнашты.

     
     
 

11 июнь 2021

«Пленэрлы һынлы сәнғәт» уҡыуҙарын үткәреү тураһында

БР мәҙәниәт Министрлығының РУМҮ иғлан итеүенсә, 2021 йылдың 5–16 июлендә 2021 йылдың пленэры сиктәрендә Рәсәй Федерацияһында фән һәм технологиялар Йылына арналған квалификация үҫтереүсе өҫтәмә профессиональ программа буйынса «Пленэрлы һынлы сәнғәт» исемле уҡыуҙарын үткәрә. Тыңлаусылар категорияһы: балалар художество мәктәптәре, балалар сәнғәт мәктәптәренең һәм балалар музыка мәктәптәренең художество бүлектәренең педагогик хеҙмәткәрҙәре.

Үткәреү урыны – Баймаҡ районы, Иҫән ауылы.

Программала: пленэрлы һынлы сәнғәт, мастер-кластар, ижади һәм педагогик тәжрибә менән уртаҡлашыу. Пленэрҙың етәксеһе – БР атҡаҙанған мәҙәниәт хеҙмәткәре, рәссам-график, БР рәссамдар Союзы ағзаһы, педагог-рәссамдарҙың Халыҡ-ара Союзы ағзаһы, Өфө ҡалаһының А.Кузнецов исемендәге 1-се һанлы БХМ уҡытыусыһы Григорьев Юрий Николаевич.

Уҡыуҙар аҙағында пленэрҙа ҡатнашыусыларға квалификация үҫтереү тураһында таныҡлыҡ биреләсәк.

Заявкалар 2021 йылдың 17 июненә тиклем электрон формала беҙҙең сайттың КВАЛИФИКАЦИЯ ҮҪТЕРЕҮ /ПЛАНЛАШТЫРЫЛҒАН САРАЛАР битендә ҡабул ителә.

17 июнь 2021

«Башҡортостан сәнғәтендә Салауат Юлаев образы» Республика онлайн-конференцияһын үткәреү йомғаҡтары тураһында

2021 йылдың 16 июнендә Салауат музыкаль колледжы һәм БР мәҙәниәт Министрлығының РУМҮ берлектә, ситтән тороп, Zoom платформаһында «Башҡортостан сәнғәтендә Салауат Юлаев образы» Республика онлайн-конференцияһын үткәрҙе.

Конференция-семинарҙа 50-ләп кеше ҡатнашты.

Конференцияның темаһы республиканың төрлө ижади профессиональ белем биреү учреждениелары студенттары һәм уҡытыусылары араһында ҙур ҡыҙыҡһыныу уятты: Өфө сәнғәт училищеһы (колледжы), Р.Нуреев исемендәге Башҡорт хореография колледжы, Урта махсус музыкаль колледжы, Стәрлетамаҡ ҡалаһының республиканың Башҡорт мәҙәниәт һәм сәнғәт колледжы, Октябрьский һәм Салауат музыкаль колледждары, һәм К.А.Валеев исемендәге Сибай сәнғәт колледжы.

Сара Башҡортостан сәнғәтендә Салауат Юлаев образы һорауҙарына арналды.

Халыҡ батырына арналған сығыштар сағыу, эмоциональ яҡын бай тәьҫораттар ҡалдырҙы.

Салауат Юлаев образы мәңгелек. Уның образына киләсәктә әле тағын күп быуын шағирҙар, драматургтар, композиторҙар, рәссамдар, режиссёрҙар әйләнеп ҡайтыр.

Салауат Юлаев Башҡортостан Республикаһында йәшәүсе һәм бер кешегә, һәм шулай уҡ, сит илдәрҙә йәшәгән беҙҙең яҡташтарыбыҙ өсөн дә бик ҡәҙерле. Шуға күрә уның нәсихәттәрен төрлө формаларҙа һаҡлау һәм быуындан быуынға еткереү бик мөһим: һәйкәлдәр, һынлы сәнғәт, музей экспозициялары, архив һәм әҙәби әҫәрҙәр.

Сара Башҡортостан Республикаһы мәҙәниәт Министрлығының белем биреү буйынса РУМҮ пландарына ярашлы үтте.

     

18 июнь 2021

А.Ә.Тюлькин исемендәге XV Халыҡ-ара балалар художество ижады конкурсы йомғаҡтары тураһында

БР мәҙәниәт Министрлығының белем биреү буйынса РУМҮ һәм Өфө ҡалаһы ҡала округының 2-се һанлы Балалар художество мәктәбе А.Ә.Тюлькин исемендәге XV Халыҡ-ара балалар художество ижады конкурсын үткәрҙе. 2021 йылда был проект «Мәҙәниәт» милли проектының «Ижади кешеләр» проекты сиктәрендә үтә.

Был традицион сара билдәле рәссам, Башҡортостан һынлы сәнғәтенә нигеҙ һалыусы, БАССР-ҙың халыҡ рәссамы, РСФСР-ҙың атҡаҙанған сәнғәт эшмәкәре – Александр Эрастович Тюлькин иҫтәлегенә арналған-һәләтле балаларҙы асыҡлау һәм уларға ярҙам итеү, балалар һәм үҫмерҙәр араһында берҙәмлек, халыҡтар дуҫлығын пропагандалау, заманса халыҡ-ара мөхиттә күп милләтле мәҙәниәт ижады һынлы сәнғәтендэ яңы формаларын асыуға йүнәлтелгән.

2021 йылдың 22 майында Өфө ҡалаһы ҡала округының 2-се һанлы Балалар художество мәктәбендә конкурстың жюри ултырышы үтте. Жюри рәйесе – Башҡортостандың атҡаҙанған рәссамы, Рәсәй Федерацияһының рәссамдар Союзы ағзаһы, М.Аҡмулла исемендәге Башҡорт дәүләт педагогия университетының художество-графика факультеты деканы, график, рәссам, декоратив-ғәмәли сәнғәт оҫтаһы Тәлғәт Хәсән улы Мәсәлимов.

Конкурсҡа 5000-дән ашыу һынлы сәнғәт, график, скульптура, декоратив-ғәмәли эштәр һәм «Искусствоведение» номинациялы эссе Израиль, Болгария, Кипр, Армения, Ҡаҙахстан, Литва, Молдова, белем биреү учреждениелары Луганск Халыҡ Республикаһы, Донецк Халыҡ Республикаһы илдәренән, Рәсәй Федерацияһы субъекттары: Башҡортостан, Ҡырым, Мордовия, Татарстан, Удмурт, Хакасия, Сыуаш республикаларынан, Краснодар, Красноярск, Пермь, Архангельск, Иркутск, Кемеров, Новосибирск, Омск, Свердловск өлкәләренән ҡабул ителде.

Конкурс йомғаҡтары буйынса жюри 400 кешене бүләкләне. Гран-при ирекле темалы эшкә бирелде: «Суббота. Вечер» композицияһы – Зарипова Жанна (15 йәш. Өфө ҡалаһы 2-се һанлы БХМ, уҡытыусыһы – А.И.Радюн).

26 конкурсанты «Иң шәп эш» дипломына лайыҡ булды, 300-ҙән ашыу конкурсанты дипломант булды. Бер ҡатнашыусы «Өләсәйемдә ауылда» эштәр серияһы өсөн Башҡортостанда Халыҡ-ара педагог-рәссамдар ойошмаһының махсус призына, 9 ҡатнашыусы ВТРОО Башҡортостанда Рәсәйҙең рәссамдар Союзының махсус призына, 4 конкурсант «Рампа. Культура Башкортостана» журналының махсус дипломына лайыҡ булды.

Иң яҡшы эштәр иллюстрацияланған каталогҡа керәсәк. Каталогҡа шулай уҡ 1999–2019 йылдарҙа үткән конкурстар еңеүселәренең һәм призёрҙарының архив эштәре лә инәсәк.

Конкурс эштәренең күргәҙмәһен асыу һәм бүләкләү церемонияһы 2021 йылдың 30 авгусында Өфө художество галереяһында үтәсәк.

     
     

30 июнь 2021

Аттестация һөҙөмтәләрен урынлаштырыу тураһында

Аттестация битендә Башҡортостан Республикаһының белем биреү эшмәкәрлеген башҡарыусы ойошмаларҙың педагогия хеҙмәткәрҙәренең аттестация һөҙөмтәләре урынлашҡан (мәҙәниәт һәм сәнғәт өлкәһендә белем биреү эшмәкәрлеген башҡарыусы дәүләт, муниципаль һәм шәхси ойошмаларҙың педагогия хеҙмәткәрҙәре аттестацияһы буйынса 2021 йылдың 17 июненән Башҡортостан Республикаһының мәҙәниәт Министрлығы Аттестация комиссияһы ултырышы йомғаҡтары буйынса). Аттестация һөҙөмтәләре Башҡортостан Республикаһының мәғариф һәм фән Министрлығының 21.06.2021 №1239 приказы менән раҫланған.